83 - Steyr live

1.:
Mit da "Steyrer Rundschau", do is's a G'frett,
wenn de nua wos G'scheit's zum berichten hätt'!
Oba heit lest ma imma den söbn Schmorrn,
so schreibn s' jede Woch': "D' Vorwärts hot valorn!"

Refrain:
Des is Steyr live,
I sog, wos mi gfreit und auf wos i pfeif'!
Des is Steyr live,
und i bin gern do, a waunn i keif'!

2.:
Jo, es geht scho laung Vorwärts beim Sport,
oba nua, leida, auf a aundare Oart:
De guatn Spiela gengan, doch die Schulden werd'n mehr,
wei vü schlechte Spiela kumman - es blüht der Transfer!

3.:
Do oans mecht i sogn, liabe Steyra Leit,
es gibt a im Sport maunches, des uns gfreit:
Im Volleyball gwing ma, im Eishockey geh't guat,
im Basketball net gaunz, oba d'Jugend is duat!

4.:
Genau, die Jugend is wichtig in da Stodt,
drum mocht ma ja den Jugendgemeinderot.
doch leida san's wenig, de duat nu wos tan,
wei waunn s' kan Eafoig haum, bleibn s' liaba daham.

5.:
Oba im gaunzn gibt's net vü Schlechts,
nua Extremszenen, links und rechts,
und Drogensucht wird immer mehr,
doch im Großen gibt's koa Malheur.

Songs overview