129 - Steia-Moakt

Refrain:
Find't Steia in da Steiamoak an neichn Steia-Moakt,
Is 's kloa, daß i noch Steia steia, wei des find i stoak!

1.:
Mia haum im Budget a riesn Problem:
Wo kriag'n ma des Göd her - und vo wem?
A in Steia wa ma froh - do mecht i ned liagn -
waunn ma vo irgendwo a Kohle herkriagn!

2.:
Des Eisen vom Steirischen Erzberg
des braucht zwoa heit kaum mehr a Werk,
doch früher hot ma's bei uns g'haundelt - garantiert.
Mia woin a Entschädigung, waunn ma 's nua duachfiat!

3.:
Es is eindeutig, daß vo unsera Stodt
die Steiamoak ihr'n Naum g'stoin hot.
Jetzt valaung ma Miete fia unsan Naum,
wei ma den ned so oafoch kopier'n kaunn!

4.:
Ausserdem wird unser Steia-Werk patentiert,
wei 's zagt, wia ma in den Grobn marschiert.
De Patentlösung soin s' für Graz daunn kaffn,
wei mid an totn Betrieb braucht kana mehr raffn!

5.:
So wer'n ma Vorbüd fia de gaunze Wöd
wei ned nua mia haum a Problem mid'n Göd
und mid dem Steia-Ideen-Patent moch ma Gewinn gaunz g'schwind,
Daß jeder aundere glaubt, er spinnt!