206 - I (b)rauch nix...

1.:
Neilich marschier' I über'n Koarlsplotz,
do kummt ana auf mi zua mit dem Sotz
ob i Hasch oda Koks oda LSD brauch,
i hob eam g'sogt, das i ned amoi Zigrettn rauch.

Refrain:
Ob in Steyr oda Wien, des is ma gaunz gleich,
ob in Holland oda Österreich,
i bin gern do oba siach a gern wos Neix,
doch i brauch nix von dem Drogen-Zeix,
na, i brauch nix von dem gaunzen Drogen-Zeix.

2.:
Mit Kollegen red' i grod über's fortgeh',
sie manan, des Lokal, des is jo so schee,
und sie wissen, wo ma duat an Stoff herkriagt,
"Ma füht si daunn, wie waunn ma richtig fliagt..."

3.:
I leb' a so guat, ohne den gaunzn Stoff,
Es is sötn, das i a Zigarrn poff,
und öftas amoi trink i wos,
nur von da Musik kumm i ned los.

4.:
I sog eich, ma kriagt den Kick a aso,
schreibts a Liad, ihr werdts segn, des geht richtig o,
a in da Liebe gibt's Momente, do is ma high,
und ma kriagt kann bleibend Schodn dabei...